“Gaano na katagal ang relasyon niyo ng babaeng iyon?” mariing pagtatanong ni Christine kay Matthew. Nakaupo ito sa sofa sa loob ng bahay nila at nakatingin nang masama kay Matthew na nakatayo lamang malapit sa kinauupuan niya at nakatingin rin sa kanya.
“Sweetie-”
“Sagutin mo ang tanong ko!!!” malakas na sigaw ni Christine na dumagundong sa loob ng bahay. “Gaano na katagal? Gaano niyo na ako katagal niloloko?!!!” magkasunod na tanong pa niya. Nanlalaki ang mga mata nito na nakatingin sa asawa. Nangangalit ang panga niya katulad ng galit na nararamdaman ng kanyang kalooban.
“Sweetie… wala kaming relasyon-”
“Wala kayong relasyon?” pagtatanong kaagad ni Christine. “Talaga ba? Wala kayong relasyon pero kung makapaglandian kayo sa loob ng elevator, daig niyo pa ang magkasintahang pumasok sa
