“Mahal kita, Matthew,” lakas-loob na pag-amin ni Veronica habang nakatitig sa mga mata ni Matthew na nanlaki naman ang mga mata sa sinabi ng una. Kasalukuyan silang nakatayo nang magkaharap sa loob ng elevator at pababa sa unang palapag ng gusali ng kumpanya.
Gulat na gulat si Matthew sa narinig mula sa amo niya. Hindi siya makapaniwalang aamin ito sa kanya ng damdamin nito. Mariing umiling-iling siya.
“Ma’am… a-ano po bang pinagsasasabi niyo?” nauutal na tanong ni Matthew.
Ngumiti si Veronica.
“Mahal kita, Matthew,” pag-uulit niya sa kanyang sinabi.
Muling umiling-iling si Matthew.
“Ngunit-”
Napatigil sa pagsasalita si Matthew ng mabilis na ilagay ni Veronica sa labi niya ang hintuturong daliri nito.
“Mahal kita, Matthew,” madamdaming pag-amin ni Veronica. Hindi na siya nakatiis
