“Anong gusto mong unahin nating gawin, anak? Kumain o maglaro sa arcade?” pagtatanong ni Christine sa anak na si Liam. Nandito sila ngayon sa mall. Isang maliit na mall dito sa bayan ng Cabanatuan sa lalawigan ng Nueve Ecija.
“Hm.” Nag-isip si Liam na ikinangingiti naman ni Christine. “Gusto ko po muna kumain. Doon po, oh,” ani pa ni Liam sabay turo ng hintuturong daliri nito sa isang fast food chain kung saan may nakatayong malaking statue ng pulang bubuyog na nakangiti sa harapan at wine-welcome ang mga customer na pumapasok.
Tumango-tango si Christine. “Sige. Kung doon ang gusto ng anak ko. Let’s go!” pag-aaya na niya at magkahawak-kamay silang tinungo ang fast-food chain.
Naisipan ni Christine na ipasyal ang anak dito para kahit papaano’y malibang at mapasaya ang anak. Isang dahilan
