Nakatanaw lang ako sa labas ng bintana kung saan nakikita ko ang sinag ng araw. Ayoko ng amoy ng hospital at kahit pa sabihing private room ang kinuha sa'kin ni Second ay hindi pa rin ako komportable.
Ayoko ng amoy ng gamot at ang dull na atmosphere dito pero wala akong choice kundi ang manatili dahil kailangan kong magpagaling.
Dalawang araw na akong nakatunganga dito at walang ginagawa.
"Ayos ka lang ba?" Napabaling ako kay Gale na kadarating lang. Tumango ako. "Alam mo ang lakas mo sa mga Castillion, biruin mo halos puno ng security team ang buong hospital para lang mabantayan ang kaligtasan mo habang nandito ka." Daldal niya.
"Hindi ko kailangan 'yon."
"Gaga, kahit di mo kailangan ay gagawin pa rin 'yon ni Second. Naku, kung alam mo lang kung gaano nag-alala 'yon ng makitang nabar
