Si Lady A ang nag-alaga sa akin, sa office kami nito natulog. Kinabukasan ay maayos na ang pakiramdam ko. Inuna ko ang klase ko, bago ang training.
Buti na lang talaga matibay ang ugat ni Claudia sa leeg. Hindi napapatid kahit na halos maubos ang boses nito kasisigaw sa akin.
"Dito na lang kaya muna tayo." Turo ko sa mga baril na nakahilera. Iba-iba iyon, may mga label pa nga kung anong klase ng baril. Pagkatapos naming magpapawis ni Claudia sa gym ay nakumbinsi ko itong mag-ikot, dito kami nakarating.
"Are you sure?" tanong nito sa akin. Tumango naman ako.
May dinampot itong maliit lang, mukhang handy. Pero no'ng ipinasa niya sa akin ay na realize ko na mabigat iyon.
"Makinig kang mabuti. Ipapaliwanag ko sa 'yo kung paanong gamitin, paanong kakalasin at bubuuin ang isang ito."
