"Pogi, may makikisabay sa atin." Iyon lang ang text ko kay Kuya Mec. Tiyak naman akong kakasya kami sa sasakyan, dahil may nakabuntot namang van palagi rito. Doon nakasakay ang mga bodyguard. Malaki naman iyon, kaya pwede kaming sumakay roon.
Pagdating ni Kuya Mec sa exit ng university ay excited pa akong lumapit.
"Ilang ang sasabay?" tanong nito pagkakuha sa bag ko.
"Anim sila, pogi."
"Anim?" nagulat pa yata ito. Dali-daling tumango naman ako. Nang lingunin ko ang mga kaibigan ko'y sabay-sabay pa silang kumaway.
"Fine, sa kabila na lang tayo." Sinenyasan nito ang isa sa tauhan nito. Ipinasa ang susi ng sports car, saka ito nagsabi na sa kabila kami sasakay. Lumipat ang tatlo pa sa sports car, habang ang pito ay lumipat sa isa pang sasakyan. Mabuti na lang pala at talagang nakabu
