MAAGA akong nagising. Parang dahil gano'n palagi ang gising ko sa head quarters, nadala ko na rin dito. Nagpahatid agad ako kay Kuya L.A rito sa bahay ni pogi. Pero inabutan kong inihahanda na ang sasakyan niya. Kaya naman nakaisip agad ako nang kalokohan. Sinabi ko sa mga tauhan nito na huwag maingay, sumakay ako sa backseat. Saka nagtago sa sahod ng sasakyan nito. Isiniksik ko ang katawan ko para hindi nito makita.
Kaya nang sumakay si Kuya Mec ay hindi nito nalaman na naroon na ako. Mamaya ko na lang siya gugulatin kapag nakahinto na ang sasakyan. Baka kasi madisgrasya siya.
Medyo matagal ang biyahe. Naririnig ko itong kausap iyong secretary niya. Nagbibilin sa mga dapat nitong gawin. Iyon lang ang huli kong natandaan kasi nakatulog din ako.
Nang magising ay naka-park na ang sasak
