"Love, bakit ka umiiyak?"
Jerome...
Patuloy pa rin sa pagtulo ang mga luha ko. Nagmistulan akong bingi. Tanging ang batang kasama ni Gino sa picture lamang ang naging sentro ng atensyon ko.
Gusto kong makita si Jerome. Ang baby ko...
"Love?" Nabalik sa realidad ang lahat nang harangin ni Gino ang picture at tinapik-tapik ang pisngi ko. "Bakit ka umiiyak?"
Mabilis kong pinunasan ang luha ko. Nagdagsaan ang lahat ng paalala sa utak ko na mali ang ginagawa ko. Mali ito, hindi niya pwedeng makita na iniiyakan ko si Jerome. Baka mas lalo siyang makumbinse na ako nga talaga ito. Hindi sila pwedeng mapahamak ng dahil sa'kin.
Hindi na tungkol sa kanila ang mga nangyayari ngayon. It's all about me.
"Ah, wala naman. May alikabok kasing pumasok sa mata ko," sabi ko. Tumango-tango naman siya.
