THE CALL GIRL
BY: JOEMAR ANCHETA (PINAGPALA)
CHAPTER 29
Bago siya natulog sa gabing iyon ay nagpost na muna siya sa f*******: niya ng “Here I Come, Saudi.” Nakita niyang naglike si Klein. Alam niyang nasa Saudi din iyon ngunit wala siyang balak kitain dahil hindi man lang siya nito sinasagot noong nagtatanong siya tungkol sa buhay sa Saudi. Ni hindi nga nito tinitignan ang message sa kanya. Naka-ignore pa yata siya.
Higit apat na taon na nang huli silang nagkita. Hindi na din siya nito kinausap pa mula nang kinuhaan niya ito ng dalawang-libo. Napapangiti pa rin siya sa kagagahan niya nang gabing iyon. Gusto niyang makaganti, pera pa ang naisip niyang kuhain. Gusto lang naman niyang magpasalamat noon kay Klein kasi kung hindi dahil sa kanya, wala siyang Culver na yakap-yakap ngayon. Per
