“Oh, anong sabi sa 'yo ni Captain?” tanong sa akin ni Sir Rex pagkapasok ko muli ng bahay.
Pero dahil badtrip na ako at balisa na ay hindi na lang ako sumagot at diretso lang pumasok pabalik sa room ng mga kapatid ko habang dala ang paper bag na bigay ni Captain Yael.
Pagkapasok ko ng kuwarto ay hindi na ako mapakali, nagpalakad-lakad na ako sa loob. Mabuti na lang ay tulog na ang tatlo kong kapatid, puro mga humihilik na.
Hindi ko na alam kung ano na ang gagawin ko. Magbibihis ba ako at susuotin itong dress o hindi? Pero hindi ko puwedeng hindi ito suotin dahil masisisante ako sa trabaho at mawawalan ng saysay ang lahat ng mga paghihirap ko sa training. Hindi biro ang mga natamo kong pasa sa training at sakit ng katawan, hindi ako papayag na balewala lahat 'yun. Pero kung susuotin ko n
