Pagkapasok ko ng club ay dumiretso agad ako sa counter at naupo sa stool bar.
“What's yours, Ma'am?” tanong sa akin ng bartender.
“One martini, please?” sagot ko, ginamit ko na ang babae kong boses.
Nang mailapag ng bartender sa harap ko ang isang glass ng martini ay dinampot ko na ito at sumimsim ng konti bago nilibot ang tingin sa loob ng club.
Pero kahit nalibot ko na ang tingin ko ay hindi ko pa rin mahagilap ang target. Hindi rin kasi masyadong maliwanag sa loob ng club dahil nga patay-sindi ang ilaw. Isa-isa kong tiningnan ang mukha ng bawat lalaki, pero wala akong makita na kamukha ng nasa picture na pinakita sa akin ni Captain.
Hanggang sa napaangat ako ng tingin sa upper floor ng club kung saan may ilan na mga customer ang mga nakatayo roon at nakatanaw sa baba.
Naisip ko na
