Naalimpungatan si Peach nang mag ring ang cellphone niya, nasa Mansyon siya ngayon at natutulog dahil tanghaling tapat. Kinusot kusot niya ang kanyang mata at nang makita niyang si Louie ang tumatawag ay sinagot niya iyon kaagad.
"Hello, Louie?"
"Ma'am Peach, gising na po si Sir Adriano,"
"Ah okay, kamusta ang lagay niya?"
"Oky na daw po siya stable naman ang kondisyon niya at ang sabi ng doktor ay kaunting pahinga na lang at makakalabas na siya ng ospital,"
"Ah okay,"
"Pero Ma'am kailangan niyo hong pumunta dito, galit na galit ho si sir Adriano, ineexpect niya kasi na kayo ang una niyang makikita pag gising niya,"
"Ah ganon ba? Hindi ba't nandyan na ang girlfriend niya?"
Masama pa rin ang loob ni Peach kung kaya't kung kausapin niya si Louie ay parang wala siyang pakialam.
