Chapter 10
ENRICO
Pagkatapos ng sagutan namin ng pangalawang asawa ni Daddy nagtungo ako sa Enrico’s bar na main branch ng bar ko rito sa Holand. Agad akong pumasok sa isang private room at uminom ng kaunti. Masakit din sa akin ang pagkamatay ni Yaya dahil simula noong bata ako ay siya lang ang pinagkakatiwalaan ko sa buhay. Siya ang nagsilbi na pangalawa kong ina dahil ayaw ko lumapit sa iba, lalo na kay Margaret.
Pagpasok ko sa loob agad akong sumampa sa kama. Naaalala ko noon kung paano magmakaawa ang aking ina sa ama ko na huwag siya nitong iwanan. Subalit mas pinili pa ni Daddy na patirahin ang kabit niya sa bahay na binuo nila ni Mommy. Nakita ko kung paano si Mommy umiiyak gabi-gabi dahil may ibang gusto si Daddy. Gabi-gabi na lang naglalasing si Mommy simula nang dalhin ni Daddy
