ISABELLA
“Hindi pa ba tayo uuwi?”
tanong ni Kikay. Andito kasi kami sa mall dahil bumili ako ng damit na ireregalo ko kay Esrael. Tumayo ako at nagsitayuan na din ang dalawa.
“Ihatid na muna natin si Ruffa sa bahay nila tapos doon muna ako sa inyo. Magpapasundo na lamang ako kapag gusto ko nang umuwi.” sagot ko sa kanya. Sumang-ayon naman silang dalawa. Pagkatapos ay bumaba na kami sa basement dahil nandon yung car ni Kikay. Inihatid muna namin si Ruffa bago kami nagtuloy sa kanila.
“Bakit kasi ayaw mo pang umuwi? Diba dapat andon ka dahil mahalaga ang araw na ito sa kuya mo?” usisa ni Kikay. Napabuntong hininga ako at tumingin sa labas ng bintana.
“Hindi naman niya ako kailangan doon. At isa pa paniguradong nandoon si Charry dahil pareho sila ng partido at pareho ding nanalo.”
