Hindi niya mapirmi ang tingin niya kay Miguel. Minsan ay napapatingin siya sa likuran nito. Paano kung may iba itong kasama?
Namapamura ito nang makumpirma na siya nga ang kaharap nito. “Pagkatapos mong maka-usap si Treous nawala ka na bigla.”
“Nagmamadali ako, Miguel. Aalis na ako.” Pilit niyang hinihila ang kamay mula dito pero mahigpit ang pagkakahawak nito.
Bumigat ang titig nito sa kaniya. Agad siyang nangamba sa nakikitang emosyon sa mukha nito.
“Hindi, Salome. Sagutin mo muna ako. Bakit kilala mo si Treous? Bakit ka niya sinama? At... bakit ka sumama?” Bakas ang kalituhan sa mga mata ni Miguel.
Nakakunot ang noo nito habang nakatitig sa mga mata niya. Tila nahirapan itong basahin siya. Imbes na sagutin ito ay pumiksi siya. Kung may una mang makakaalam sa problema niya ay si
