┈┈┈┈◦•✩•◦┈┈┈┈
Halos mabingi si Zandro ng marinig niya ang mahinang tinig ni David ng sabihin nito ang pangalang Jocelyn. Mahina na halos pabulong lang ni David, ngunit para kay Zandro ay umaalingawngaw ito sa kanyang pandinig.
Titig na titig siya kay Jacey na tinawag ni David na Jocelyn. Kanina, habang kaharap niya ito ay mabilis na tumitibok ang kanyang puso. Parang nasa harapan lang niya ang ina ng kanyang anak. Pero may kung anong tanong na bumubulong sa kanyang isipan. Paanong mangyayari na ito si Jocelyn, ang babaeng matagal na niyang hinahanap, ang babaeng laman ng kanyang puso at isipan? Naguguluhan siya, hindi niya alam kung ano ang kanyang iisipin. Malayong-malayo ito sa mukha ni Jocelyn na kilala niya. Mula ulo hanggang paa ay imposibleng ito ang Jocelyn na hinahanap niya, pero
