┈┈┈┈◦•✩•◦┈┈┈┈
Araw ng kaarawan ng lolo ni Jocelyn at ni Donita. Lahat ay naghahanda na. Ilang oras na lamang ay gaganapin na ito sa napakalaking bakuran ng mga Lauder.
Napakaganda ng pagkaka-disenyo ng bakuran, lahat ng nakikita nila sa paligid ay puro naghuhumiyaw na karangyaan. Ang mga anak ni Jocelyn ay hindi tumitigil sa paghahabulan. Tuwang-tuwa ang mga ito sa ganda ng kapaligiran.
"Dito lang kayo, huwag kayong masyadong magpagod at baka mamaya ay wala na kayong sigla at makatulog na lang kayo." Sabi ni Caleb. Lumapit naman sa kanya ang kambal at niyakap siya ng mga ito. Dumating naman si Jocelyn na hawak ang mga damit na isusuot ng kanyang kambal mamaya sa party.
"Iyan ba ang mga suit na isusuot nila. Dumating na pala. Patingin nga," sabi ni Caleb. "Oo, ngayon nga lang dumating.
