"What do you mean twenty?" Matapos ng dinner ay hinagit ako ni Damian papunta sa kwarto niya. Mukhang kanina pa niya iyon gustong gawin pero hindi siya makasingit dahil hindi matapos tapos ang mga sinasabi at tinatanong ng mama at mga tita niya sa akin.
Hindi ko alam kung anong problema niya sa edad ko pero hindi ako makapagfocus sa mga tinatanong niya dahil naglilikot ang mga mata ko at sinusuri ang silid nito. Tinitingnan ko rin ang mga pictures na nakadisplay sa loob ng kwarto niya. Ang sabi kasi ng mama ni Damian ay 19 palang siya ay umalis na siya rito sa mansion ng mga Vladimir para magsarili. Iyon daw ang panahon na nag-umpisa itong magtayo ng negosyo na malayo sa kinagisnan ng angkan ng mga Vladimir. Lahat ng mga pictures dito sa silid ay ang bata at gwapong gwapong teenage pictur
