"Hindi mo natatandaan? Ano 'yun kusang gumalaw ang mga daliri mo at nag-type?" sarkastikong tanong ni Chard na may galit sa tono ng boses niya.
"Nagsasabi ako ng totoo, Chard. Wala akong maalala. After ko kayo ihatid ni Rachel, pagkabalik ko sa bahay ay natulog na rin ako. Hindi ko na ginalaw ang phone at mga gadgets ko kaya paano ako magpo-post?" sagot ni Princess na nakipagtalo na kay Chard.
"So, sino ang nag-post kung hindi ikaw?" Chard frankly inquired at hinila niya ang phone niya sa mga kamay ni Princess. "Malinaw naman na name at litrato mo ang nag-post kaya imposible na hindi ikaw 'to. Maliban na lang kung may nag-hack ng account mo," aniya na napaisip.
"May nag-hack? At sino naman?" napaisip din na tanong ni Princess.
"Anong kaguluhan ito?" isang matanda at malaking boses na n
