ZERRA NICOLE'S POV
"NIKS." Napapitlag pa ako nang bahagya akong sikuhin ni Ara.
"Hmm," sagot ko bago nagbawi ng tingin dito. Hindi ko kasi alam na natulala na pala ako dahil sa mga bagay na gumugulo sa isip ko. Ayaw ko pang sumuko kaso parang hindi na kaya ng puso ko. Mas'yado ng masakit.
"Tinatanong namin sa 'yo ni Ell kung seryoso ka na ba sa desisyon mo o lasing ka lang kagabi," ulit ni Ara sa tanong ni Ell kanina.
"Seryoso na ako." Nakasandal pa rin ako sa malaking puno habang nasa ulo ko ang isang braso ko. Ginawa kong unan.
"Bakit?" tanong ni Ell. Napalingon ako rito. Nasa kaliwa ko kasi ito habang si Ara ay nasa kanan ko.
"Anong bakit?" takang tanong ko.
"Bakit bigla kang nagdesisyon ng gan'yan, na tama na," sabi pa ni Ell.
"Hindi ba ito naman ang gusto n'yo dati pa?" tanon
