DRAKE ADAM'S POV
Kanina pa kami rito sa tapat ng bahay ng ni Zerra pero hindi pa ako makaalis dahil nasa sasakyan ko pa rin ito at mukhang mahimbing ang tulog. Nasa trenta minutos na yata kami sa labas ng bahay nito, pero nagdadalawang-isip ako kung gigisingin ito.
Nangingiti kong pinagmasdan ang maamo nitong mukha. Paano ba namang hindi ito mapapagod, tila ito batang walang kapaguran na nakipaglaro sa mga bata ng halos maghapon. Tumigil lamang ang mga ito nang magkakantahan na para sa batang may kaarawan ngayon. Birthday pala ngayon ng paborito nitong bata sa ampunan na si Chelsea. Kaya pinaghanda ito ni Zerra para raw sumaya naman ang mga bata kahit simpleng party lang.
Inabot na kami ng hapon sa ampunan dahil hindi ko ito magawang awatin sa kasiyahang nararamdaman nito kanina. Hinaya
