DRAKE ADAM'S POV
Sunod-sunod na busina ang ginawa ko para makuha ang atensyon ni Zerra na akmang sasakay na sa van kung saan naroon ang mga kasamahan nito. Ngayong araw kasi ang alis namin para sa team building ng kumpanya na napili naming sa Palawan ganapin.
Maaga ang alis namin para hindi abutin ng tanghali sa biyahe. Mukha namang narito na ang lahat dahil iilan na lamang ang hindi pa nakakasakay sa van. Bale limang van kami at tatlong kotse. Sa unahang van sana sasakay si Zerra.
Napangiti pa ako nang tuluyan akong makalapit sa puwesto nito at nakita ko itong nakasimangot habang nakahawak sa dibdib nito. Ibinaba ko ang bintana ng kotse ko, pero kahit nakita na nitong ako ang sakay ng kotse ay nakasimangot pa rin ito.
"Papatayin mo ba ako?!" mataray na tanong nito habang nakapameywan
