HINAWAKAN ng ginang ang palad niya at nakikiusap sa kaniya. Maging siya man ay hindi alam kung saan hahanapin ang lalaki. Napapalunok na lamang siya.
"Nikka, alam kong mabigat ang pagkakasala ng anak ko sa'yo pero sana huwag mong ilayo ang anak ninyo sa kaniya. May separation anxiety si Travis at mahirap sa kaniyang malayo sa mga taong napalapit na sa kaniya. Kaya nang iwan siya ni Aprille tila nawalan kami ng anak noon. Para kaming mababaliw kung saan namin siya hahanapin. Hanggang sa bumalik siyang tila wala sa sarili hanggang sa aminin niya sa akin ang nagawa niya. Tinago namin ito ng matagal na panahon pero maniwala, pinilit niyang balikan ka ng panahong iyon. Hinanap ka niya at sa loob ng limang taon ay hindi siya tumigil mahanap ka lamang niya. Hindi niya inaasahang sa ganitong pagk
