BIGLANG tumunog ang cell phone ni Nikki. Tumatawag na si Caden. Namilog ang mga mata niya at kumabog ang puso niya. Hindi niya alam kung sasagutin ito o hindi. Kung hindi niya sasagutin, baka titigil din ito at iisiping napaka-busy nga niya sa punerarya. Kung sasagutin naman niya ito ngayon, baka tatraydurin siya ng kaniyang damdamin at masabi ang totoong nilalaman ng puso niya.
Napakagat-labi na naman siya habang paroo’t paritong naglalakad sa opisina niya habang tumutunog ang cell phone niya. Kung kailan niya balak sagutin na ang tawag ay tumigil naman ang pag-ring. Napamaang pa siya.
“Buwisit! Bakit hindi mo ‘ko hinintay na sumagot?” Pinandilatan niya ang hawak na cell phone. Muntik naman niya itong nabitiwan nang tumunog itong muli pagkatapos ng ilang minuto. Nabigla kasi siya. Ilang
