“NAKAHANDA na po ang dining room, Sir,” ang saad ng isa sa dalawang maids na nagpahuli. Ang isa ay nauna nang umalis.
“Salamat, Manang,” ang tugon ni Caden.
Lumampas sila sa isang malaking hagdanan sa pangalawa at pangatlong palapag ng mansion. Kanina ay napuna niya ring may rooftop ito. Bale pang-apat na palapag na iyon. Sobrang laki ng bahay nito na mag-isang kinatitirhan lang nito.
“Hindi ka ba nalulungkot?” tanong niya habang kumakain sila sa mahabang mesa at nakaupo sa magkabilang panig nito.
Sa harap nila ay may maraming pagkain. Pansin niya lang ang mga kilala niyang dishes tulad ng spring pasta with salmon, peas and dill, crispy chicken thighs with garlic and rosemary, tossed salad, beef strip steak with lemon and mashed potatoes at marami pang iba. Lahat masasarap at gusto ni
