“ISANG Chami Special Overload at isang party pack ng Lumpiang Shanghai.”
Napalingon si Jude nang biglang magsalita si Council JC na nasa tabi niya. All along akala niya ay natutulog ito. Nasa conference room pa rin sila. Inaayusan ni Agent Fac Yu at Agent Miracle si Jibelle. Instead of fuchsia pink feather pen, pink makeup brushes muna ang hawak ni Facundo. May-ari ito ng isang hair and makeup services business for special events kaya isinama ito nina Council JC. Si La Diva naman ay text lang nang text habang nakadukwang sa mesa sa tapat niya. As usual she was showcasing her big twin assets to him.
“Ano iyon?” tanong niya kay Council JC. Mas magaling pang kausapin na lang si JC kaysa panoorin ang hinaharap ni La Diva.
“Ang lagay, eh, inistorbo mo
