BAKAS PA RIN ANG LABIS na pagtataka kay Rocco. Hindi niya alam ang iaakto o sasabihin. Bakit nagsipagluhod ang mga ito sa kanyang harapan? Ito ba ang paraan ng pagpapasalamat sa kanya? Ngunit hindi ganoon ang pagkakaintindi niya sa tagpong nagaganap ngayon.
“Alam kong babalik ka, Mahal na Hari. Maraming salamat,” puno ng paggalang na saad ng buhangin na may korona sa ulo na korteng kabebe at nakasarado. Naiiba rin ang damit nito at walang kapareho sa dalawang hanay na naroon.
Itinuro ni Rocco ang kanyang sarili gamit ang hintuturong daliri. Nilingon niya rin ang reyna maging si Levin. Nagkibit-balikat laman si Levin nang magtagal ang tingin niya rito. Nang ibalik niyang muli ang tingin sa reyna, dahan-dahan nitong inilapag ang katawan ng asawa na yakap-yakap kanina. Nang makatayo, hinawa
