HABANG NAGHIHINTAY sa Orakulo, nasa kaharian ng Morefia si Rocco at Levin. Pareho nilang pinag-aaralan ang mga dapat malaman nang sa gayon kung siya na ang aaktong hari, alam niya na ang mga pangalan at katawagan sa mga may buhay na nasa loob ng palasyo. Katulad din ng kanilang napag-usapan, doble-dobleng pag-iingat ang ginagawa ng mga nakakaalam ng kanilang sikreto. Patuloy pa rin ang pagkukubli niya sa ibang miyembro na nasa loob ng palasyo. Nang sumunod naman na araw, siya na lamang ang naiwang mag-isa dahil may itinakdang oras lamang ang Orakulo para kay Levin. Hindi ito pwedeng magtagal na hindi kasama ang katawan kung nasa Morefia ang kaluluwa. Maaaring hindi na ito makabalik sa katawan kapag nagkataon.
Upang mapanatag, gusto ni Rocco na makasiguradong nakabalik nang ligtas si Levin
