BINIGYAN NIYA NG BABALA noon ang kahit na sinong kakanti sa kanyang pamilya nang sa gayon ay alam ng mga ito ang kaya niyang gawin. Ngunit mukhang hindi nila naiintindihan na wala iyong limitasyon para sa mga taong importante sa kanya. Ngayong wala ang kanyang mag-ina, wala siyang dahilan para matakot. Ang kahit na anong maisip niya, kahit na mahirap ay hindi niya pag-aalinlanganan. Alam niya kung paano manahimik ngunit alam niya rin kung kailan siya kikilos. Marami ng nawala sa buhay niya. Hindi na kabawasan kung babalik siya sa dating ginagawa at susugal muli. Sinubukan siya ng mga ito kaya kailangan din nilang tanggapin kung paano siya kikilos.
Patuloy ang naging paglalakad ni Rocco. Hindi na siya muling lumingon sa likurang bahagi. Hindi niya binababa ang kanyang dipensa. Alam niyang
