NAGAWANG PAGMASDAN NI Rocco si Uzacan nang lingunin niya ito. Kung sa iba, sasabihin nilang napakalayo ng itsura ni Uzacan kay Cleya ngunit siya ay hindi ganoon kadaling malinlang. Limang beses ang liit ni Uzacan kung ikukumpara sa isang dyosa. Hindi lumuluha ang mga mata nito. Walang takip ang mukha na maskara ngunit mula ulo hanggang ang baywang nito ay kulay itim. Hindi rin ito kasinglaki ni Cleya. Wala rin ang tila tintang kumakalat sa paligid nila ngunit ang tatlo rin ang mga mata nito. Nakabukas ang lahat ng mga iyon at kaparehas pa rin ng kay Cleya na lumuluha. Mula baywang hanggang sa baba niyon ay galamay na ng octopus. Wala mang mga mata ang galamay nito pero alam ni Rocco na may buhay din iyon na kayang bantayan ang magiging kilos niya.
Hawak-hawak pa rin ni Rocco ang galamay
