ALAM NI ROCCO NA lagi niyang katuwang ang matinding obserbasyon sa maraming bagay. Nakaugalian niya ng gawin iyon sa lahat ng oras ngunit may pagkakataon na nagdududa pa rin siya kung tama ang kanyang iniisip. Alam niya kase na sa bawat desisyong gagawin niya ay maraming maapektuhan. Nang makita niya kanina ang nakatusok sa katawan ni Uzacan, alam niya ng may mali rito ngunit nagdadalawang-isip siya kaya pinagkatiwalaan niya na lamang ang sarili.
Mahirap magparatang lalo na kung wala siyang ebidensya ngunit sa pag-aanalisa niya, may kutob na siya kung sino ang totoong kalaban.
Patuloy pa rin ang pagtakbo ni Rocco. Kailangan niyang makuha ang puso ni Cleya. Ito ang iniingatan ng totoong kalaban nila at iniiwasang mapasakamay ni Uzacan. Pinaghihiwalay ang dalawa dahil natatakot ang mga
