ANG UNANG PUMASOK sa isipan ni Rocco ay ang pamilya ng mga tauhan niyang maiiwan. Iyon ang dahilan ng pagpayag niya sa pagtulong sa mga ito. Ayaw niyang isugal ang sarili at ang mga taong kasama niya sa masalimuot na lugar na ito. Ngunit kilala niya si Levin at Caci. Pamilya na rin ang turing nito sa kanilang mga tauhan. Katulad niya, ang kinalakhan din ng mga ito ay ang mga tao sa loob ng kanilang organisasyon kaya gano’n na lamang din ang epekto sa kanila nang malamang hindi pa rin makita ang ilan.
Hindi alam ni Rocco kung paano niya uutusan ang mga kadena ngunit sinubukan niya pa rin iyon sa paraang alam niya. Paulit-ulit niyang kinumpas ang palasinsingang daliri na konektado sa kadena habang nakapikit ang mga mata. Inuutusan niya ito sa paraan din ng paggamit ng mga letra sa Morse Cod
