PATULOY ANG NAGING pagtulak nila Caci ng mga bangkay na pinakamalapit sa kanya. Ang mga nasa likurang katawan naman ay ilalapit niya muna bago itulak papuntang harapan. Gano’n nang gano’n ang kanilang gawi hanggang sa maihulog nilang lahat sa portal patungong ibang mundo ang mga namatay. Lagpas singkwenta rin ang mga bangkay na itinulak nila patungo sa isang lagusan. Mukhang magsimula pa kaninang umaga nagsimula ang mga tunggaliang nangyayari sa mundong ito. Kung medyo minamalas din sila, baka ang iba sa mga iyon ay napagpiyestahan na ng Bulislis at pangalawang batch na ang mga narito.
Nagpatuloy silang muli sa paglalakad noong maisarado ang lagusan patungo sa kabilang mundo kung saan inihulog ang mga bangkay. Naging mas mabilis na ang pagkilos nila kumpara sa kanina. Ang mga oras na nasa
