PARE-PAREHO NILANG binabaybay ang daan papasok ng pusod ng kagubatan. Napakabilis ng pagtakbo ni Rocco. Malalaki rin ang naging paghakbang niya na ngayon lang nagawa sa buong buhay. Hindi niya magawang lingunin ang humahabol sa kanila. Nasa likuran niya kase si Levin at Caci. Sa oras na bumagal siya, ang dalawa ang maaapektuhan. Magiging pabigat pa siya sa mga ito at iyon ang bagay na iniiwasan niyang mangyari. Hindi niya nararamdamang karga niya si Mang Bert. Maaaring nakaramdam din siya ng adrenaline rush katulad ni Caci.
Ganoon na lamang ang paglaki ng mga mata ni Rocco nang makita ang kanilang mga kalaban habang papaliko sila. Ang taas ng mga iyon ay halos kalahati ng punong mangga. Tila minolde ang mga ito ng aspalto dahil sa katawang kapareho ng inilalagay sa kalsada na hindi madali
