"Uhm... Wendy punta lang ako sa court diyan lang sa tapat."
Napatingin ako kay Paulo na nakatayo sa harapan ko, habang nakaupo lang ako sa couch at inaayos ang mga ipo-post kong pictures para sa shop ko.
"Nagpapaalam ka ba?" Medyo tinawanan ko siya.
Napangiti siya at tumango. "Pwede ba?"
Umiling-iling ako pero agad ding natawa. "Bakit ka nagpapaalam? Baliw, edi pumunta ka ro'n."
"Anong bakit ako nagpapaalam? Syempre nililigawan na kita, dapat good boy."
Kinilig ang puso ko sa sinabi niya, 'tapos loud and proud pang nakalabas iyong dimples niya. Ang pogi naman ng nanliligaw sa 'kin, parang too good to be true.
"Sus baka sa una ka lang magaling eh," sambit ko. "Ta's 'pag sinagot kita, wala na, hindi na magpapaalam." Tumawa ako at napailing-iling ulit.
Tumawa din siya at kumamot sa
