Hindi mawala sa isipan ko ang sinabi na rason nina Sir Nasir sa pinakadahilan ng pag-alis nila sa palasyo ng pangalawang prinsesa. Sa ipinaalam nilang katiwalian sa kanilang ahensiya ay naging mabigat ang loob ko para sa kanilang dinanas.
Ang matindi ay hindi lang sa ahensiya nila nangyayari ang bagay na iyon. Talamak na ang gawain na ito sa buong emporyo na tila normal na bagay na lang.
Palakihan na lang ng koneksyon ang mga tao sa anumang bagay dahil mas marami silang koneksyon sa isang ahensiya ay mas malaki ang tsiyansa na sila ang matanggap. Balewala na talaga ngayon kung may kakayahan ka ba o may pinag-aralan ka. Basta may kapit ka, pasok ka na ang batayan.
"Hay..." malakas at problemadong bulalas ko pa habang naglalakad.
Bakit ba kasi may mga tao na katulad nila na puro sarili
