Pagkatapos na mawalan ng malay at magamot ko si Sir Lenox ay inutusan ko ang mga mersenaryo at salamangkero na ipagpatuloy muli ang kanilang naudlot na pagsasanay. Nang una mga umangal sila pero nang bigyan ko sila ng matalim na tingin ay agarang nagsitakbuhan ang mga ito palayo at takot na takot na sumunod sa aking pinapagawa.
"Tch! Mga susunod din naman pala..." pagbulong ko, "Gusto pa nila 'yung mga tatakutin sila."
Iyon nga lang ay naiwan ako roon na yakap yakap pa rin si Sir Lenox. At dahil sa mas malaki at mas matangkad ang pangangatawan ni Sir Lenox kumpara sa akin ay pakaladkad na hinila ko ang katawan ng binata patungo sa isang sulok.
Para tuloy akong isang kriminal na balak itago kung saan ang katawan ng kanyang biktima. At nasa ganoong tagpo ako nang lapitan nina Sir Aziel a
