"Ako nga pala si Leya, ang siyang napili na magsanay sa lahat na naririto," pagpapakilala ko sa aking sarili at naglahad pa ng aking kanang kamay sa harapan ni Sir Lenox para mag-alok ng pakikipagkamay sa kanya.
Ngunit tinitigan lamang ni Sir Lenox ang kamay ko na iyon bago mariing napatingin muli sa aking mukha. Ang tingin niya ay katulad ng tingin na binibigay niya sa akin nang makita niya ako sa tarangkahan. Para bang kinikilala niya ako kahit hindi ko naman siya talaga kilala.
Ang gulo di ba?
Pagkatapos ay malakas na napabuga ako ng hininga saka napahiyang ibinababa ang aking kamay. Mahahalata kasi sa kanyang kinikilos na wala siyang balak na tanggapin ang pakikipagkamay ko na iyon sa kanya.
"... L-Leya...?" pigil hiningang na pag-ulit pa ni Sir Lenox sa pangalan ko bago malalim na
