*achooo!*
*achoo!*
Napakusot ako sa aking ilong dahil sa biglang pangangati nito. Pagkatapos naman ng ilang sandali ay ang aking kanang tenga naman ang tila nangati.
Pakiramdam ko tuloy ay may mga taong pinag-uusapan ako sa oras na ito. Napaisip naman ako kung ano marahil ang pinag-uusapan nila tungkol sa akin. O kung sino naman kaya ang maglalakas loob na pag-usapan ako ng ganitong kaaga.
Pagkatapos ay napatingala ako para pagmasdan ang madilim pang kalangitan. Sa tantiya ko pa nga ay magsisimula na sumikat ang araw.
Nagpakawala muna ako ng malawak na hikab at inaantok na kinusot ang aking mga mata. "Marahil mga nag-aantay na sila roon," hinala ko na lang bago binilisan ang aking paglalakad.
Pagdating ko naman sa malawak na kapatagan na nasa silangan mismo ng bayan ng Cait ay natan
