"Haaaa!" sabay sabay na bulalas ng mga salamangkero bago pinakawalan ang kanilang ginawang mga bolang apoy.
Pare-pareho na tumama ang mga atake nilang iyon sa pinapa-asinta sa kanila na pabilog na kahoy. Umalingawngaw ang malakas na pagsabog na naging dahilan ng pagyanig ng kalupaan. Nang humupa naman ang alikabok na humalo sa hangin ay tumambad sa kanilang paningin ang durog durog na mga kahoy na iyon.
"Woooah..." manghang bulalas naman ng mga mersenaryo na nakapanuod ng kanilang ginawa.
Napalakpak naman ako dahil sa magandang resulta ng pagsasagawa nila ng kanilang atake. Isang linggo na rin ang lumipas magmula na sanayin ko silang lahat. Kung dati ay mga nahihirapan sila na mag-ipon ng mana sa kanilang mga palad ay tila naging biro na lang ang problema na iyon. Ngayon kasi sa isang k
