Napahawak ako sa aking baba habang nililibot ang tingin sa aking paligid. Nakarinig naman ako ng mahinang kaluskos sa bandang kanan ko para biglang maalerto ako.
Hindi nagtagal ay dahan dahan na lumapit ako doon. Hanggang sa napatakip ako ng kamay sa aking bibig para pigilan ang sarili na matawa. Nakita ko kasi ang isang paa na nakausli mula sa ilalim ng mesa.
Nagkunwari muna ako na nalampasan iyon saka sumilip silip sa ibang lugar na para bang may hinahanap.
"Hmmm... Nasaan na kaya sila?" pagpaparinig ko naman na tila ba hindi alam kung saan nagtatago ang mga bata.
Dahil sa pagpaparinig ko na iyon ay mas lumakas ang kaluskos sa ilalim ng mesa. Marahil dahil sa napagtanto nila na nasa malapit lang ako mula sa pinagtataguan nila. Nagpalipas muna ako ng ilang sandali bago walang kainga
