Unting unti nagising ako nang makarinig ng mga ingay at bulungan sa aking paligid. Inaantok na kinusot kusot ko pa ang aking mga mata. Hindi ko man lang kasi namalayan na nakatulog pala ako habang iniintay ang pagdating ng tulong mula kina Kareem.
Marahil dahil sa maghapon na ito ay naipon ang aking pagod. Sinimulan ko ang aking araw sa pagtra-trabaho sa taniman, tapos ay nagluto ako ng tanghalian at ilang oras na nakipaglaro sa mga bata, at ang pinakahuli naman ay gumamit ako ng mahika para basagin ang sumpa sa mga tagapangalaga. Kaya hindi na talaga nakakapagtaka na makaramdam ako ng labis na pagod para makatulugan ko ito.
Nang tuluyan na magising ang aking diwa ay dahan dahan napabangon ako mula sa aking kinahihigan. Bumungad pa nga sa aking harapan ang mga nag-aalalang mukha nina Si
