"Sir Aziel?" kunot noo kong pagtawag dahil sa inakto na iyon ng binatang mersenaryo.
Nagulat na lang ako nang biglang tumayo siya at nagmamadali na lumabas ng kusina. Narinig ko pa nga pagtawag niya sa mga bata para makakain na ang mga ito ng kanilang tanghalian.
Sa malakas na pag-anunsiyo naman na iyon ni Sir Aziel ay patakbong nag-uunahan ang mga bata patungo sa kanilang hapagkainan. Natatawang napailing na lang ako sa pagiging masigla ng mga ito. Kaya sinimulan ko na dalhin sa gitna ng mesa ang mga niluto ko na putahe. Kitang kita ko pa ang pagningning ng mga mata nila habang ibinababa ko ang aking mga niluto sa kanilang harapan.
"Kain na kayo," masayang pag-udyok ko pa sa kanila.
Ngunit nagulat ako nang bigla sila natahimik pagkakita ng mga niluto ko. Nagtatakang napalingon tuloy
