Habang tumatakbo ako patungo sa direksyon ng tarangkahan ay ilang beses na yumanig muli ang lupa. Senyales na pwersahang nagpupumilit na pumasok sa bayan ng Cait ang mga halimaw na iyon sa labas.
Sa ngayon ay hindi pa nagtatagumpay ang mga ito sa kanilang nais dahil na rin sa malakas na proteksyon na inilagay ni Master Hassan sa palibot ng bayan. Ngunit kung magpapatuloy ang ganitong klaseng pag-atake ay hindi magtatagal ay mababasag na rin ang proteksyon na iyon.
At tila hindi ako nagkamali, napansin ko na unti unti na nagkakaroon ito ng lamat. Kaya mas binilisan ko ang aking pagtakbo para makarating doon bago ito mawala.
Subalit bago pa ako makarating sa tapat ng tarangkahan ay tuluyan na nga nasira ang proteksyon ng buong bayan. At sa oras na matagumpay sila na makapasok ng bayan a
