"Leya, Leya! Gumising ka!" malakas na pagtawag sa akin ni Aling Ester habang niyuyugyog ako sa aking balikat.
Dahil doon ay nagising ako mula sa kahimbingan ng tulog. Inaantok na kinusot ko pa ang aking mga mata para alamin ang nangyayari.
"B-Bakit po? M—May h-halimaw po ba m-muli na u-umaatake sa atin?" naalertong tanong ko sa pag-aakala na may problema na naman.
Mabilis na iniling ni Aling Ester ang kanyang ulo bago masayang itinuro ang unahan ng karwahe. Doon ay nakita ko ang isang tarangkahan na may nakasulat na Cait.
"Hindi iyon! Nais ko ipaalam sa iyo na nakarating na tayo sa bayan ng Cait!" masayang anunsiyo pa ni Aling Estee at mangiyak ngiyak na hinawakan ang magkabilang kamay ko, "Hindi mangyayari ito kung hindi dahil sa iyo. Naging ligtas ang aming pag-uwi dahil kasama ka n
