*dang dang dang!*
Umalingawngaw ang malakas na pagtunog ng kalembang. Senyales ito na nakabalik na ang pangalawang prinsesa sa kanyang palasyo.
Sa pag-anunsiyo na iyon ay biglaang nagkagulo ang mga kawal na nabibilang sa ikalabing dalawang pangkat sa ilalim ng palasyo ni Prinsesa Aubriella.
"Aaaaaah! Dalian niyo! Nakabalik na si Sir Lenox!"
"Padating na siya! Ano ba! Bilisan niyo ang inyong kilos!"
"Nasaan na ba kasi iyon?"
"Hoy! Huwag kayo magpakupad kupad! Malilintikan tayo sa ating pinuno kapag nakita niya ang mga itsura niyo!"
"Bakit ba kasi ang aga-aga nila nakabalik?!"
"Oo nga! Dapat sa susunod na linggo pa sila makakauwi di ba?!"
Dali dali nila na ginising ang mga tulo laway nilang kasamahan. Ang iba naman na hubad baro ay nagmamadaling isinuot ang kanilang mga hinubad na
