Kinabukasan...
Laking gulat ko na lang nang makatanggap ng isang personal imbitasyon mula sa count. Ayon pa sa pagkaalala ni Aling Ester ay hindi madalas na mag-imbita ang count ng mga tao sa kanyang mansyon. Kaya tuloy hindi ko maiwasang matakot sa maaaring rason ng pagpapatawag niyang ito sa akin.
May ginawa kaya ako na hindi niya nagustuhan?
Posible kaya na nakarating sa kanya ang kaguluhan na nangyari sa taniman?
Narinig kaya niya ang balita na hindi sinasadya na nasaktan ko si Noel?
Kakausapin kaya niya ako tungkol doon para balaan na hindi maulit ito?
Paano na lang kung dahil dito ay bawiin niya ang binigay niya na permiso na tumira ako sa bayan ng Cait?
Sa mga negatibo na naisip na dahilan ay biglang napasabunot ako sa aking sarili. Kaso kahit nag-aalangan ako sa motibo ng pa
