CHAPTER 16
"A-Ano ba ang nangyayari sa iyo, Miguel?" puno ng pagtataka na tanong sa kanya ng taong nasa harapan niya.
Hindi niya ito tinugon, bagkus ay marahas siyang tumayo mula sa maliit na papag na kanyang kinauupuan. Iginala niya ang kanyang mga mata sa paligid. Nasa loob sila ng maliit na silid--- silid na hindi siya pamilyar. Silid na malayong-malayo sa silid na mayroon siya sa kanilang tahanan.
At ang kinaroroonan niya ay nasisiguro niyang hindi nila tahanan. It was very far from their house. Ang silid na iyon ay ngayon niya pa lamang mismo nakita.
Hindi niya pinansin ang pagtatakang nakarehistro sa mukha ng babae. Ang mga mata niya ay patuloy na pinag-aaralan ang lugar kung saan siya naroon.
May pang-isahang papag na naroon. Sa tabi niyon ay may maliit na mesa kung saan nakapa
