CHAPTER 43
Dahil sa limitadong araw lamang ang ilalagi nila sa Turkey ay hindi na nagsayang pa ng oras sina Mattheo at Zehra. Matapos ng ilang sandali ng pagpapahinga pagkarating nila sa hotel ay sinimulan na nilang alamin ang ilang detalye tungkol sa negosyo ng mga Orhan.
Dahil sa mas kilala ang pamilya nila ay naisip ni Mattheo na unahin na nilang alamin ang tungkol sa kung ano ang nangyari sa negosyong itinatag ng kanyang ama na si Ozcan. Nais niyang alamin kung patuloy pa rin bang namamayagpag ang Orhan Real Estate.
Matapos naman nilang kumustahin ang kompanyang pinamamahalaan niya noon ay balak naman nilang puntahan ang lugar na huling tinirhan nina Zehra. Nais niya rin itong tulungan na alamin kung ano ang nangyari sa mga kapatid nito.
Hinintay pa muna ni Mattheo na kumalma ang d
