CHAPTER 38
MANILA, PHILIPPINES
"I was that last target that you were referring. Am I right?" tanong agad ni Mattheo kay Zehra nang matapos itong magsalaysay sa totoong nangyari sa buhay nito.
Mataman niya itong pinagmasdan sa mukha. Nakaupo pa rin ito sa higaang naroon at nakayuko ang ulo. Kanina habang nagkukwento ito ay hindi pa nakaligtas kay Mattheo ang panunubig ng mga mata ng dalaga.
Ramdam niya ang bigat sa dibdib nito. At alam din ni Mattheo na labis nitong iniisip ang mga kapatid. Base lamang sa pagsasalaysay ni Zehra kanina ay ramdam na ramdam na niya ang pagmamahal na mayroon ito para sa nakababata nitong kapatid.
Ngunit sa kabila niyon ay hindi siya sang-ayon sa buhay na pinili nitong tahakin. There were so many ways that she could have done to support her sisters' needs.
